D’Bréifwal-Demande kënne Residenten entweder an där Gemeng maachen, wou si op de Wielerlëschten agedroe sinn, oder an der Gemeng, wou si wunnen.
Wann d’Demande acceptéiert gëtt kritt ee vun der Gemeng eng Convocatioun per Recommandé geschéckt, an dat spéitstens bis 15 Deeg virum Waldag, also bis den 23. September.
D’Gemeng schéckt do och de Wal-Bulletin mat, an zwou Enveloppen: Eng Wal-Enveloppe, wou “Bréifwal” drop steet – do leet een den ausgefëllte Wal-Bulletin dran. D’Wal-Enveloppe kënnt dann an eng normal, scho bezuelte Post-Enveloppe. Déi muss spéitstens um Waldag, also den 8. Oktober, virun 2 Auer mëttes, am Büro ukommen.
Fir d’net-Residentë war den Delai fir d’Bréifwal unzefroe scho viru ronn zwou Wochen ofgelaf.
