Déi meescht wieren heihi komm fir am Finanz oder am Informatiks- an Technologiesecteur ze schaffen. An dat virop well se hei eng Offer kruten, op zweeter Plaz gëtt d'Liewensqualitéit als Grond genannt an dann de Salaire.
Negative Facteur: Logementskäschten
Ofgesi vun enger potentieller "bedeitend" Baisse beim Salaire, wieren d‘Logementskäschte mat Ofstand den Haaptfacteur, fir d‘Leit ze incitéieren erëm vun hei fort ze plënneren, esou d‘Fuerscher.
Effektiv war eng Erkenntnis aus dem éischten Deel vun der Etüd, datt d’Hallschent vun alle Salariéen, déi op Lëtzebuerg schaffe kommen, d‘Land erëm bannent den nächste 5 Joer verloossen. Am zweeten Deel hätten allerdéngs iwwer 60 Prozent vun de ronn 3.200 Befrote gesot, datt se méi laang wéilten hei bleiwe wéi Uganks geplangt. An datt sech hir berufflech Situatioun hei am Verglach mat virdru verbessert hätt.
