De Moien hunn eng zéng Ambulanze vum internationale Rouden Hallefmound ugefaange Patienten aus Gaza ze evakuéieren. Et sollen nach weider international Hëllefsgidder verstäerkt an d’Gazasträif eragefouert ginn.
Et géif een och hoffen, datt haut de Mëtteg um dräi eiser Zäit éischt israeelesch Geisele vun der Hamas fräigelooss wäerte ginn. D’Zuel vun 13 Fraen a Kanner steet am Raum. Am Géigenzuch wéilt Israel fir all fräigeloossene Geisel dräi palestinensesch Prisonéier fräiloossen.
Den israeelesche Verdeedegungsminister Joav Galant gesäit d’Waffepaus als Geleeënheet fir Waffen nozeliwweren a weider militäresch Aktiounen ze plangen. Sengen Aussoen no géing Israel domat rechnen, op d’mannst zwee weider Méint an der Gazasträif ze kämpfen.
