De Jacques Delors war EU-Kommissiounspresident vun 1985 bis 1995 a franséische Finanzminister an den Ufank 80er fir de Parti socialiste ënnert dem franséische Premier Pierre Mauroy an dem President François Mitterrand.
De fréiere Lëtzebuerger Premier Jean-Claude Juncker, deen och EU-Kommissiounspresident war, weist sech op eis Nofro hin traureg iwwer den Doud vum Jacques Delors. D’Relatioun tëschent him an dem Jacques Delors wier déi vun engem Papp a sengem Fils gewiescht a vun engem Schoulmeeschter a sengem Schüler. Hien hätt den europäesche Banne-Maart opgebaut a sech ganz staark fir d’Wirtschafts- a Wärungsunioun engagéiert. Grad ewéi fir verstäerkte Sozialrechter, betount de Jean-Claude Juncker.
