Hie wéilt sech dofir an den nächste Méint dofir asetzen, datt weider Upassunge gemaach ginn. Datt déi nei Leitung duerch seng Gemeng wäert lafen, stellt de Lënster Buergermeeschter awer net a Fro.
"E perfekten Tracé gëtt et sécherlech net"
Hie wéilt net "einfach Tracéen an aner Gemengen zéien" goen, seet de Ben Ries.
"Mir probéieren elo zesumme mat der Creos - an hoffentlech och zesumme mam Environnement a mam Gemengerot an de Bierger, déi sech dofir asetzen - elo dee bescht-méiglechen Tracé ze kréien."
D'Gemeng ass prett géint Creos-Decisioun virzegoen
Wann iergendeng vun den aktuell bekannte Varianten esou sollt zeréckbehal ginn, da wäert d'Gemeng Jonglënster och dogéint virgoen, sou de Buergermeeschter.
"Dat wees d’Creos awer och. Mir hunn elo dräi mol en Avis ofginn am Numm vum Gemengerot zu deene verschiddenen Tracéën. An et gëtt och iwwerall Potential fir nozebesseren."
Den Ëmwelt-Impakt vun deene verschiddenen Variante vun der Heichspannungsleitung gëtt am Moment gepréift. Am Oktober soll d’Resultat vun der Analys virléien, an duerno soll dann décidéiert ginn, wéi genee déi nei Leitung soll verlafen.