De Sylvain Hoffmann mécht sech keng gréisser Suergen driwwer, datt d’Projektiounen am Moment drop hindeiten, datt d’Pensiounskeess vun 2027 un op hir Reserve misst zréckgräife fir d’Pensiounen auszebezuelen.
"All déi Laangzäit-Projektioune waren an der Vergaangenheet ëmmer total falsch. Ech weess mir kréien dann alt gesot: Mee des kéier ass et awer richteg. Et gëtt awer wierklech keng Garantie, datt dat alles esou antrëfft."
Dem Sylvain Hoffmann no, géif et wéineg Sënn maache fir elo hei Mesuren ze huele fir eventuell 2070 de System am Equiliber ze hunn.
Déi nei Sozialministesch Martine Deprez mécht eng aner Analyse vun der Situatioun. Si hält eng Diskussioun iwwer déi laangfristeg Ofsécherung vum Pensiounssystem fir néideg. An huet entspriechend Gespréicher mat de Sozialpartner ugekënnegt.
