Bei de "grands rouleurs“ géif et sech ëm Leit mat modestem Akommes handelen, déi op en Auto ugewise sinn, fir schaffen ze goen. Fir déi nei Hëllef ze kréie mussen si op d‘mannst 15 Kilometer vun hirer Aarbechtsplaz ewech wunnen an hiert Akommes muss ënner dem Medianloun leien.
Finanzhëllef fir Taxischaufferen
An den nächsten Deeg géif een och Verhandlunge fir Hëllefe fir Taxischauffere féieren, well déi besonnesch betraff wieren. An och d‘Hëllefe fir Fëscher a Bauere sollen den nächste Mount nees verstäerkt ageféiert ginn, dat misst awer nach mat der EU-Kommissioun gekläert ginn, esou nach de franséische Premier Sébastien Lecornu.
