D‘Weltgesondheetsorganisatioun WHO huet vu katastrophalen Zoustänn an der Schifa Klinik geschwat. Am gréisste Spidol an der Gazasträif hale sech iwwer 2.000 leit op, dorënner vill Flüchtlingen. Fréigebuere Kanner konnten net a Couveusen, Dialyse kënne net méi assuréiert ginn. An Tëschenzäit hunn och d‘USA Israel opgefuerdert, Spideeler an hir Ëmgéigend komplett ze verschounen.
Den israeelesche Premier Benjamin Netanjahu huet gëschter dann och vun engem méiglechen Deal mam Hamas geschwat fir d‘Geisele fräi ze kréien. Hie misst virsiichteg bleiwen a sengen Aussoen, sou de Netanjahu: jee méi ech driwwer schwätzen, desto méi kleng gëtt d‘Chance, datt et klappt, sou den israeelesche Regierungschef.
Eventuell kéint Israel am Géigenzuch palestinensesch Mannerjäreger a Frae fräiloossen. Den Netanjahu huet awer ënnerstrach, datt et just de militäreschen Drock wier, deen zu Verhandlunge gefouert hätt.
