De Charles Michel huet zu Kiew gewarnt, datt d‘Regierung déi politesch Schwieregkeeten an dësem Dossier net sollt ënnerschätzen. Et géif haart dru geschafft ginn, fir bis den Dezember zu enger eenheetlecher Positioun ze kommen, ma eng Partie EU-Länner hätte verlaude gelooss, datt si laang iwwert dës Fro wéilten nodenken.
Den ukrainesche President hat an engem Videomessage d‘Maidanprotester aus dem Joer 2013 als éischt Géigenoffensiv an éischt Victoire an der Ausenanersetzung mat Russland bezeechent. Haut wier aus dem Dram vun deemools Realitéit ginn, sou de Selenskyj: Et wier deemno onausweichlech, datt d‘Ukrain Member vun der Europäescher Unioun géif ginn.
