Fir den David Pereira, Direkter vun Amnesty International Lëtzebuerg, wier et an der aktueller Situatioun mat ville Konflikter a Kricher wichteg, un d'Mënscherechter ze erënneren.
"Fir eeben d'Leit zesummenzekréien an drop opmierksam ze maachen, datt mir wierklech mussen zesummenhalen, fir eeben drop hinzeweisen, wat wichteg ass, eeben eis grouss Prinzippien an déi fundamental Mënscherechter: D'Recht kënnen ze liewen, an d'Schoul ze goen, op d'Gesondheet."
D’Enn vum Regimm vum Baschar al-Assad wier eng grouss Opportunitéit fir Syrien, esou den Direkter vun Amnesty International Lëtzebuerg. Et géif een hoffen, datt et zu engem friddleche Muechtwiessel kënnt.
Zu der Decisioun vum Inneminister Léon Gloden, Asylprozedure fir d'Refugiéen aus Syrien temporär ze suspendéieren, sot den David Pereira, datt all Persoun eng Demande de protection international dierft kënne maachen.
"All Dossier muss studéiert ginn. A wa wierklech déi Persoun d'Recht drop huet, da muss si dat och kréien."