Den Donald Trump huet sech un d'Supreme Court adresséiert, dat wéinst enger Decisioun aus dem Bundesstaat Colorado, derno hien net kandidéieren dierf. Dat iewescht Gericht aus Colorado huet virun e puer Woche fonnt, den Trump dierft net untrieden, wéinst senger Roll bei der Attack op de Kapitol virun dräi Joer.
D'Supreme Court vun den USA ass an der Majoritéit ma konservative Riichter besat. Analysten erwaarden eng Decisioun zu Gonschte vum Donald Trump.
Iwwerdeems huet den demokratesche President Joe Biden bei enger Ried a Pennsylvania eng frontal Attack op säi méigleche republikanesche Géigekandidat lancéiert. Den Trump géif sech der Rhetorik vun den Nazie bedéngen, esou de Biden. Den Donald Trump wier prett déi amerikanesch Demokratie ze sacrifiéieren, fir un de Pouvoir ze kommen.
