15.000 Gefierer dierften an Zukunft all Dag wiertes iwwert déi nei Pont Hammerell fueren. D'Awunner:innen hu sech an deem Joer dru gewinnt, datt manner Verkéier duerch den Duerfkär fléisst. Ob sech dat elo ännert bleift ofzewaarden. Verschiddener fäerten, datt den Trafic nees zouhëlt. Si hunn awer och Versteesdemech dofir, datt déi Bréck néideg ass.
Op d'mannst ee Joerhonnert soll déi Bréck halen. Schonn eleng d‘Planung am Virfeld hat vill Zäit kascht, erkläert de Beetebuerger Buergermeeschter Laurent Zeimet.
Hien erkläert, datt een ee Konzept ausgeschafft hätt, fir de Verkéier ze berouegen. Deen nächste Chantier wier och schonn amgaangen: D‘Securisatioun vun der Entrée a Beetebuerg eran, wann een aus der Stad kënnt.
