100komma7.lu

/ Chômage bleift mat 6.3 % am Mount Abrëll stabel, déi nei Aschreiwunge ginn awer erop

Aarbecht

| Gëschter - 12h47

1 min

Chômage bleift mat 6.3 % am Mount Abrëll stabel, déi nei Aschreiwunge ginn awer erop

D'Zuel vun de Leit, déi op der Sich no enger Aarbecht sinn, ass eropgaangen. Am Abrëll waren am Ganzen 20.140 Persoune beim Aarbechtsamt ageschriwwen. Dat sinn der iwwer 1.500 méi wéi zejoert am Abrëll, also eng Hausse vun 8,3 Prozent.

1 min

ADEM (aalt Gebai) (Foto: picture alliance / ZB | Sascha Steinach)

Am Abrëll hu sech och bal 2.500 Residenten nei bei der ADEM ageschriwwen. Och déi Zuel ass an engem Joer ëm 3,6 Prozent an d'Luucht gaangen.

Besonnesch markant ass déi Hausse bei héichqualifizéierte Leit a bei Leit am Alter tëschent 30 a 44 Joer.

Bei den Net-Residenten, déi bei der ADEM ugemellt sinn, geet d'Tendenz weider no uewen. Enn Abrëll ware ronn 4.300 Net-Residenten zu Lëtzebuerg ageschriwwen. Dat ass eng Hausse vun 22 Prozent bannent engem Joer.