Gefälschte Bankextraite mat nogemaachten Ënnerschrëfte wieren un den Office national de l'accueil geschéckt ginn, fir Iwwerweisunge virzetäuschen, déi awer ni gemaach gi wieren.
D'Parteileedung hätt d'Fälschunge confirméiert kritt, an d'Affekoten hätte geroden eng Denonciatioun ze maachen, well hien an anerer, legal gesinn, matwëssend wieren, esou de Marc Goergen.
2016 hat den ONA en Appel à Projet lancéiert fir eng App ze entwéckelen, déi Flüchtlingen hëllef sollt, arabesch Sätz op Lëtzebuergesch ze iwwersetzen. D'Piratepartei krut deemools dësen Zouschlag. Mee eng Iwwerpréiwung am Optrag vun der IGF huet méi spéit erginn, datt eng Rei staatlech Suen an d'Täsche vu Membere vun der Piratepartei gefloss sinn.