Wéinst den intensive Bombardementer vun Israel an de Kämpf tëscht israeeleschen Truppen an Hamas Memberen haten Hëllefsorganisatiounen zanter Woche keen Accès an de Norde vun der Gazasträif. Trotz den Appeller vun Israel un d‘Populatioun do, an de Süden ze flüchten, si Schätzungen no nach ëmmer Honnertdausende Leit am Norden.
Et wier och Sprit dohinner geliwwert ginn, esou d’UNO, an d‘Schifa-Spidol an der Stad Gaza hätt elo hir Statioun fir Dialys-Patienten nees kënnen opmaachen.
D‘Waffepaus tëscht Israel an der Hamas war gëschter ënner der Vermëttlung vum Katar ëm zwee Deeg verlängert ginn. D‘Hamas gëschter Owend eelef weider Geisele fräi gelooss, dorënner néng Kanner. Israel huet als Echange weider 33 palestinensesch Prisonéier fräigelooss, dorënner 30 Kanner.
