Der ADEM no betrëfft dat all d‘Kategorien, virun allem awer Leit mat Unisdiplomer a Jonker ënner 30.
Am meeschten ass d‘Zuel vun den Demandeurs d‘emploi am Bausecteur an d‘Luucht gaangen, duerno kënnt de Finanz- an Immobiliesecteur an d‘Industrie.
De Chômagetaux läit domat am Februar bei 5,6 Prozent.
Och d‘Zuel vun den neien Inscriptioune bei der ADEM ass eropgaangen. Am Februar hu sech iwwer 3.300 Residente beim Aarbechtsamt ageschriwwen. 16 Prozent méi wéi virun engem Joer nach.
Par conter geet d‘Zuel vun den ausgeschriwwene Plazen zréck. Am Februar goufe ronn 3.150 fräi Plaze gemellt, eng Baisse vun iwwer 7 Prozent, wann ee mat Februar 2023 vergläicht.
