Invitéiert sinn: De Caritas-Verwaltungsrot, Hëllef um Terrain (HUT), de Bistum, all Ministèren, déi Konventiounen haten oder hunn, grad wéi d’Entreprise PWC.
D’Spezialkommissioun Caritas wäert vum CSV-Deputéierten Laurent Zeimet presidéiert ginn. D’Vize-Presidente sinn d’Carole Hartmann vun der DP an d’Djuna Bernard vun déi Gréng. Rapportrice ass d’LSAP-Fraktiounscheffin Taina Bofferding. Am Prinzip soll d’Kommissioun all Woch mëttwochs zesummekommen, an hir Aarbecht bis Abrëll d’nächst Joer ofschléissen. CSV an DP hate sech Enn Oktober dogéint ausgeschwat, datt dës Sitzungen iwwerdroe ginn.