Si huet sech kloer no Punkte géint déi chineesesch Weltmeeschterin Yang Liu duerchgesat. D‘Participatioun vun der Imane Khelif zu Paräis war ganz ëmstridden. No hirem éischte Kampf war eng Polemik ronderëm hir Geschlechtsidentitéit ausgebrach.
Si war zejoert vun der Box-Weltmeeschterschaft ausgeschloss ginn, no engem Geschlechtertest vum Boxweltverband IBA, deen awer vum Internationalen Olympesche Comité net méi unerkannt gëtt. Fir d‘Zouloossung zu engem Wettkampf wier just d‘Geschlecht ausschlaggebend, dat am Pass steet, sou den IOC.