Beim Verhafte géif et sech ëm e Mann vu 40 Joer handelen, dee gëschter am spéiden Nomëtteg ee verdächtege Pak am Informatiounsguichet vun den CFL op der Stater Gare ofginn hat.
An deem Colis wieren Objete gewiescht, déi ënnert d‘Gesetzgebung fir Waffen a Munitioun falen, dorënner Übungs-Granaten an aner militäresch Equipementer.
De Justizspriecher Henri Eippers sot op eis Nofro hin: D‘Fra am Guichet hätt direkt Alarm geschloen, dorop hi gouf d‘Gare evakuéiert.
Dee Verhafte kënnt elo virun en Untersuchungsriichter. Et gëllt wéi ëmmer présomption d’innocence
