Och deemools hat hien an där Gemeng gewonnen, wéinst dem sougenannte „cordon sanitaire“, also dem prinzipielle Refus fir mat de Rietsextreemen zesummen ze schaffen, haten déi aner Parteien de Vlaams Belang awer an d‘Oppositioun gezwongen. De Guy D'haeseleer krut dës Kéier eng absolut Majoritéit, de cordon sanitaire wier domat an der Poubelle gelant, sot hie no senger Walvictoire.
Zu Antwerpen huet de Bart De Wever gewonnen, Chef vun der konservativer flamännescher Partei N-VA. Dës Victoire verstäerkt seng Positioun als Favorit fir nächste belsche Premier ze ginn. De Bart de Wever gouf vum Kinnek mat der Formatioun vun enger neier Regierung beoptraagt, bei den Diskussioune gouf bis elo awer nach keen Accord fonnt.