Bei den Debatten am Virfeld vum Vott gouf et hefteg Diskussiounen. De Kanzler Olaf Scholz huet den Ex-Koalitiounspartner FDP schaarf kritiséiert an der Partei "wochelaang Sabotage" virgehäit. D‘Ampel-Koalitioun war an d‘Bréch gaangen, nodeems den Olaf Scholz den FDP-Finanzminister Christian Lindner entlooss hat. Den Oppositiounschef Friederich Merz huet sengersäits kritiséiert, de Scholz géif d‘Land an der gréisster Wirtschaftskris zanter dem Krich hannerloossen.
D‘Neiwalen an Däitschland sollen den 23. Februar sinn.