De Virstouss vun der ukrainescher Arméi an déi russesch Regioune Kursk a Belgorod huet virun eppes méi wéi enger Woch, de 6. August, ugefaangen. Dem ukrainesche President Wolodymyr Selenskyj no géifen déi ukrainesch Truppen elo 74 Uertschaften an deene Regioune kontrolléieren.
Der Ukrain hiert Zil wier awer net, déi Uertschaften ze besetzen. Der Ukrain hire Virstouss an déi russesch Grenzregioune wier decidéiert ginn, well Russland vun do aus vill Attacken op d'Ukrain lancéiert hätt, esou nach de Wolodymyr Selenskyj.
An der Regioun Kursk war schonn d'lescht Woch den Noutstand deklaréiert ginn. Méi wéi 100.000 Leit goufen evakuéiert.