D'Bedeelegung beim Referendum louch bei ronn 59 Prozent. Bis zum Schluss war bei den Ëmfroen net kloer, ob fir oder géint d'Propos wäert gewielt ginn. Iwwer 45 Prozent hu fir d'Begrenzung gewielt. Domat hu méi Leit fir d'Propos gestëmmt, wéi soss fir déi rietskonservativ SVP wielen. Deemno huet d'SVP et hikritt och Mënschen aus anere Milieuen ofzehuelen, esou de Philipp Schrämmli.
"Tendenziell vermutlich Wählerinnen und Wähler aus der Mitte und aus bürgerlichen Kreisen, von freiheitlich-liberalen Parteien. Also Menschen, die zwar eigentlich nicht SVP wählen würden, aber denen die Zuwanderung der letzten Jahre vielleicht doch etwas zu viel geworden ist."
D'SVP huet iwwerdeems versicht, der Campagne ee gréngen Ustrach ze ginn. Dat hätt awer net geklappt, mengt de Philipp Schrämmli.
"Das war sicherlich der Versuch auch generell wachstumskritische Menschen abzuholen. Solche, die sich für Natur und Umwelt einsetzen, gegen Zersiedlung und so weiter. Aber ich vermute, dass das eher nicht gelungen ist."
Gréisser Ënnerscheeder tëschent de Regiounen
Aus den Ëmfroe géif sech erausliesen, datt virop lénk a gréng Wieler:inne géint d'Initiativ gestëmmt hunn, wärend éischter konservativer dofir waren. Ma och tëschent de regioune goufen et gréisser Ënnerscheeder, erkläert de Philipp Schrämmli.
"Eienerseits das Stimmverhalten der französischsprachigen und der deutschsprachigen Schweiz. Das ist bisschen ein Klassiker bei uns. Die französischsprachigen haben die Initiative deutlich verworfen, während viele deutschschweizer Kantone sie angenommen habne."
Ee weideren Ënnerscheed gouf et tëschent de Stied und dem ländleche Raum.
"Die Städte, wo tendenziell der Ausländeranteil höher ist, wo mehr Menschen leben, (...), die haben die Initiative klar abgelehnt. Das Land hätte sie angenommen."
Lauschtert hei dee ganzen Interview mam Schwäizer Journalist
Wier d'Propos duerchkomm, wier d'Schwäiz dat éischt Land op der Welt gewiescht, dat eng Awunner:inne-Grenz ageféiert hätt. D'SVP wollt mat hirer Propos, datt d'Bevëlkerung bis 2050 ënner 10 Milliounen Awunner:inne bleift. D'Iddi wier gewiescht virop d'Asyldemanden ze begrenzen. Mee och d'Migratioun aus der EU hätt sollen ageschränkt ginn.
De Schwäizer Justizminister Beat Jans huet vun engem Zeeche fir Stabilitéit an Offenheet geschwat. Déi Schwäizer Bierger:innen hätte sech fir eng enk Bezéiung mat der EU ausgeschwat. Dat wier wichteg fir d'Aarbechtsplazen, de Wuelstand an déi international Zesummenaarbecht vum Land, esou nach de Beat Jans.
