One World
Legends & more
56 min
Dem David Byrne säi Label Luaka Bop huet lang dru geschafft fir 15 Lidder vum Tim Maia aus de 70er Jore komplett ze remasteren an op der Anthologie “The Existential Soul of Tim Maia” festzehalen an ze verëffentlechen. Den Tim Maia war eng brasilianesch Legend, bekannt fir säin ironeschen, direkten awer humorvollen Toun.
Fir hiren éischte Studio-Album ass déi Hamburger Band Angels Of Libra mam iresche Singer-Songwriter Nathan Johnston eng Collaboratioun agaangen, d’Resultat ass gelongen.
De Sage Motel zu San Francisco war an de 40er Joren eng Lodge fir Trucker an aner Reesender, dunn an de 60er a 70er Joren eng hip Plaz fir Artisten, Weltebummler a Vagabunden. De Kelly Finnigan an d’Monophonics revisitéieren also dës mythesch Plaz op hirem Album “Sage Motel”.
“Chinal Ka” ass e wäertvollt Klang-Dokument, eng Anthologie mat 16 Titele vum Erick Cosaque aus der Guadeloupe, Lidder déi tëscht 1973 an 1995 gravéiert goufen.
Decouverte dës Woch ass den Debut-Album “Sample the Sky” vun der Londoner multi-disciplinärer Kënschtlerin a Produzentin Laura Misch, den Disk koum den 13. Oktober eraus.
No “Rollin” bleift de Quintett vum Trompettist Erik Truffaz bei sengem Hommage un d’Film-Museken, hei mam neien Album “Clap!”. Heirop revisitéiert hien op seng Aart a Weis notamment dem Philippe Labro säin Action-Thriller “L’alpagueur” aus dem Joer 1976 mam Jean-Paul Belmondo.
Sharon Jones & The Dap-Kings waren eng amerikanesch Funk a Soul Band, mir héieren si an der Interpretatioun vun “This Land Is Your Land”, e Lidd, dat awer net wierklech ganz aus der Fieder vum Woodie Guthrie staamt, deen et 1945 verëffentlecht huet, well d’Melodie scho ganz no drun ass un der Carter Family hirem “When the World is on Fire” aus dem Joer 1933. A fir déi kleng Geschicht …
Playlist:
1. Tim Maia - Nobody Can Live Forever - The Existential Soul of Tim Maia
2. Angels Of Libra & Nathan Johnston - Revelations - Revelations
3. Alabaster Deplume - Who Is a Fool - Gold
4. Monophonics & Kelly Finnigan - Sage Motel - Sage Motel
5. Donna Blue - Cup of Time - Dark Roses
6. Gabriels - Bloodline - Bloodline - EP
7. DeWolff - Will O' the Wisp - Love, Death & in Between
8. Erick Cosaque - Guadeloupe, île de mes amours - Chinal Ka 1973 - 1995
9. Ariel Tintar - Es Ou Ka Sonjé - Es Ou Ka Sonjé - Single
10. Laura Misch - Widening Circles - Sample the Sky
11. Lavinia Meijer - Metamorphosis: Metamorphosis Two, Flowing - Glass: Metamorphosis, The Hours
12. Erik Truffaz - L’alpagueur - Clap!
13. Sharon Jones & The Dap-Kings - This Land Is Your Land - Just Dropped In (To See What Condition My Rendition Was In)