Datt dës Erënnerungen un d'Minnenaarbecht nach ëmmer accessibel sinn, ass dem Luciano Pagliarini ze verdanken. De Lokalhistoriker huet an de 70er, 80er, a fréie 90er Joren stonnelaang Leit interviewt, déi selwer an de Minne geschafft hunn, oder am direkten Ëmfeld vun de Minnenaarbechter gelieft hunn. D'Tounopname vun dëse Gespréicher gëtt et bis haut, an si sinn eng Goldgrouf fir Leit, déi sech fir déi industriell Vergaangenheet vun der Minett-Regioun interesséieren.
D'Historiker François Klein a Marco Gabellini hunn d'Kollektioun fir d'Online-Ausstellung "Minett Stories" nei opgeschafft. De Rick Mertens huet sech an der "Zäitspuer" erkläre gelooss, firwat dës Opnamen esou wäertvoll sinn.