Lëtzebuerg entdecken "Wann d'Rief laanscht d'Musel dofteg bléit ..."

Op der Musel ginn Trëppeltier ugebueden, bei deenen ee méi iwwer d'Drauwen an de Wäi gewuer gëtt. Donieft ginn et och Weeër, bei deenen den Handy de Guide spillt. Lauschtouren, esou heescht de Projet vum ORT Musel an dem Leader Miselerland. Et ass en Audioguide, deen ee sech per App op den Handy erofluede kann, an dat gratis.

Pit Walté / cz

Riewen Musel

"An der App huet een da mëttlerweil d'Méiglechkeet, sechs Touren erofzelueden, déi iwwer d'ganz Musel verstreet sinn. Do hu mir Gréiwemaacher a Réimech als Städtetouren, mir hunn Duelem als Réimertour, Mondorf fir de Parc thermale an deen zu Manternach geet ëm d'Manternacher Fiels an d'Natur do ronderëm."

Dat seet d'Joëlle Kayser vum ORT Musel. En Highlight ass nach de Miseler Schëffstour, wou een Infoen zu béide Säite vun der Musel kritt, vu Schenge bis Waasserbëlleg. Vun deene sechs kann ee sech dann déi Visite eroflueden, op déi ee Loscht huet, an dat a véier verschiddene Sproochen, Lëtzebuergesch, Franséisch, Däitsch an Englesch. Da fiert een op déi Plaz, déi ee sech ukucke wëllt, an "et start ee säin Tour, et mécht een den Handy an d'Täsch an d'Kopfhörer an d'Ouer an da kann et lassgoen. Während dem Tour kritt een da gesot, wou ee muss hi goen", sou d'Joëlle Kayser.

De Wäi steet am Mëttelpunkt

D'Muselregioun ass natierlech virun allem fir säi Wäi bekannt. Op guidéierten Touren, déi vum ORT ugebuede ginn, kann een e puer méi Infoen zum Wäin an den Drauwe siche goen. Do ginn et dräi Touren. Éischtens de "Riesling meets Muschelkalk", wou een méi zu der bekannter Wäinzort gewuer gëtt an och firwat de Wäi vun der Lëtzebuerger Musel anescht schmaacht, wéi deen an anere Wäigebidder.

Den zweeten Tour heescht "Wann d'Rief laanscht d'Musel dofteg bléit ...", sou d'Marie-Therese Sibenaler, Guide beim ORT Musel.

"Wa mir dann an de Wéngerte sinn, während der Drauwe-Bléi, da gesäit ee se natierlech an et stellt ee fest, datt dat eppes zimlech Onscheinbares ass, guer net ze vergläichen, mat zum Beispill Äppelbeem. Wat awer aussergewéinlech ass, wann een dann tëschent de Riewe steet, da richt een esou een apaart gudde Geroch."

E weideren Tour beschäftegt sech mat der Drauwelies.

Bei den dräi Toure gëtt et natierlech och e Pättchen dobäi fir ze schmaachen.

An der Mediathéik:

Aktiv duerch de Summer / / Pit Walté
Lauschteren

Méi zum Thema

Automusée 2
Lëtzebuerg entdecken

An eiser Serie Lëtzebuerg entdecken gi mir haut an d'Welt vun den Autoen, méi genee op Dikrech, an de Conservatoire National de Véhicules historiques. 35 Gefierer aus verschiddenen Epoche kann een hei gesinn.

Net verpassen

  • Annonce: Recherche d'un chef de la programmation

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 chef de la programmation (m/f) pour contrat à durée indéterminée et à temps plein.

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen