Sot emol Susy Lentz: No 20 Joer soen d'Makadammen Äddi

D'Susy Lentz ass den Ament mat de Makadammen an dem neie Programm "20" uechter Land ënnerwee. Aus engem eemolegen Optrëtt fir de Weltfraendag 2001 sinn elo 20 Joer Makadamme ginn.

Jean Claude Majerus

Susy Lentz

Déi véier Makadammen, d'Susy Lentz, d'Thea Engel, d'Maggy Molitor an d'Monique Mille hu schonn zesummen am Ensembel vum Lëtzebuerger Theater gespillt, wou se gefrot goufen ee Problem fir de Weltfraendag ze realiséieren:

"A mir hu geduecht: hei, dat wier dach eigentlech eng cool Iddi, well et war awer Männerpower am Lëtzebuerger Theater, muss een elo awer éierlech zouginn.(...) Soss war dat vum Spillereschen hir awer net esou groussaarteg fir eis. Mir hu gesot, hei elo kënne mer emol selwer decidéiere, wat mir wëlle maachen. Voilà, hu mer gemaach, et war en immense Succès ."

An dorauser goufen 20 Joer, a mat dem aktuelle Programm geet déi Aventure "Makadammen" elo awer op eng Enn.

"Ech sinn e positive Mënsch"

Natierlech ass de Plang vun de Makadammen duerch Corona-Pandemie duerchernee komm an och si hu mussen de Confinement duerchliewen. Mee d'Susy Lentz ass perséinlech awer gutt iwwer déi Zäit komm.

"Ech sinn e positive Mënsch, ech kucken ëmmer no vir, ech kucken net zeréck, well dat bréngt jo näischt, dat ass meng Devis. Ech mengen, dat ass ville Leit esou gaangen, vu datt mir super Wieder haten dee Moment, do ass et jiddwerengem méi liicht gefall fir méi lues ze trëppelen. Mir sinn immens vill spadséiere gaangen.(...) Mir huet dat näischt ausgemaach, mee ech soen ëmmer: et huet een et méi einfach, wann een anzwousch wunnt, wou ee Gaart huet, wou ee kann erausgoen, wéi wann een an enger Stad wunnt."

Scouten a Lagerfeierromantik

Wa mer an d'Ufankszäiten zeréck ginn, wou d'Susy Lentz mam Sangen ugefaangen huet, da si mer bei de Scouten, de Scoutcampen an der Atmosphär beim Lagerfeier ukomm. An op esou engem nationale Camp huet d'Susy Lentz e Meedche gesinn, dat sech mat der Gittar selwer begleet an dobäi gesongen huet.

"Ech sot: dat do wëlls de och kënnen. Ech krut eng Gittar, do hunn ech mech do versicht, bon mat zwee, dräi Akkorde kann een och scho mol eppes ufänken. Voilà, an do hunn ech meng Stëmm eemol entdeckt an do hunn ech gemierkt: dat do klappt jo ganz gutt."

Den Duerchbroch koum am Meedercherslycée

Ëmmer méi an ëmmer méi huet d'Susy Lentz gespillt, e Repertoire, den hir louch. An do gouf se vun engem Proff gefrot um Schoulfest ze sangen.

"Ech sinn eigentlech e relativ scheie Mënsch an ech sot: Ech weess net, virun esou ville Leit.(...) Ech war natierlech ganz frou, datt dee mech gefrot huet an do hunn ech do "Inshallah" gesongen, an dat war mäi groussen Duerchbroch. "Inshallah" an der Aula vum Meedercherslycée um Lampertsbierg."

Méi Informatioune iwwer den aktuellen a leschte Programm "20" vun de Makadamme fannt Dir op hirem Internetsite.

An der Mediathéik:

Sot emol / / Jean Claude Majerus
Lauschteren

Méi zum Thema

Heng Kleren
SOT EMOL

Wann een als Museker keng Musek méi ka maachen, wann d'Gesondheet net méi matspillt, ass dat wuel dat schlëmmst wat ka geschéien. A genee dat ass dem Heng Kleren geschitt.

Eugénie Anselin
Sot emol

D'Eugénie Anselin hätt sech kéinte virstellen eng Karriär als Musekerin ze maachen, professionell Sportlerin ze ginn, oder Medezin ze studéieren. Schlussendlech huet d'Schauspillerei awer gewonnen.

Dr Marc Diederich
Sot emol

De Marc Diederich ass Professer fir Biochimie an Direkter vum Laboratoire de Biologie Moléculaire et Cellulaire du Cancer. Hie fuerscht am Beräich vum Kriibs bei Kanner, besonnesch zu Leukemie an Neuroblastom.

Marc Meyers
Sot emol

De Marc Meyers ass Direkter vum Stater Conservatoire, deen an de leschten zéng Joer staark gewuess ass. Am Gespréich verréit hien, wéi hie well fréi seng Léift zur Musek entdeckt huet.

Net verpassen

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen