100,7-Klassesall Gréng Kamellen, Schueberfouer, de Reebou
Virum Weekend maache mir haut natierlech eise Klassesall op. Theema haut: Gréng Kamellen an d'Schueberfouer, de Reebou an d'Noriicht vum Dag an eng Hausaufgab.
Noriichten
Elo, wou een doheem muss bleiwen, gëtt och vill iwwer Grenze geschwat. Dat well vill Länner an der EU hire Grenze wéinst dem Virus zu engem groussen Deel nees zougemaach hunn. A grad an deem Moment gouf de 25. Gebuertsdag gefeiert vum sougenannte Schengenaccord. Et war deen Accord, deen derzou geféiert huet, datt et am Fong geholl keng Grenzen a keng Grenzkontrollen an de meeschten EU Länner méi sollt ginn.
Grénge Knätsch a gréng Kamellen
Grénge Knätsch a gréng Kamellen ... mee wéi ginn déi iwwerhaapt gréng? A wat huet dat mat Planzen ze dinn? D'Aline Fischer aus dem natur musée an de Levi hu sech doriwwer ënnerhalen.
D'Schueberfouer kritt de Marsch geblosen!
Déi leschte Kéier huet eis d'Julie Treff vum Luxembourg City Museum ee vun de stäerkste Männer vun der Welt virgestallt. Den Herkül Grün. Hien ass deemools och op der Schueberfouer opgetrueden. Haut gi mer nach emol op d'Fouer, awer mat eppes ganz aneschtes ... Lauschtert gutt, dir erkennt et bestëmmt direkt erëm!
Reebou ouni Reen?
Kanner, ech sinn ëmmer dovun ausgaangen, datt mir e Reebou nëmme gesinn, wann et gläichzäiteg reent an d'Sonn schéngt. Mee ech mengen, do louch ech falsch. Vläicht hat ech net gutt genuch opgepasst an der Schoul, dofir maacht Dir et lo besser a lauschtert mol gutt dem Joseph vu science.lu no:
Art Challenge: Ma wou si se all hin?!
Fir sech ze schützen, hunn d'Figuren aus Konschtwierker sech an eiser Welt installéiert, oder ëmgedréit, kënne mir Mënschen eis an hiren Tableaue verstoppen. Et kéint een och un aner Zenarioen denken: d'Figuren droen all eng Mask, oder si sinn all op Distanz gaangen, zum Beispill!
Méi Informatioune fënnt een op eduart.lu
An der Mediathéik:
LauschterenMéi zum Thema
D'Greta Thunberg, den Indiana Jones an d'Ann Spann
Am 100,7-Klassesall kucke mir ënner anerem, wat d'Greta Thunberg eigentlech mécht, mir kréie vun de Bommelen erzielt, d'Renée Weber zielt eis d'Geschicht vun der Ann Spann weider, a mir kréien eng Aufgab.
Bommelkinnigin an een Experiment mat Waasser
D'Julie Treff aus dem Luxembourg City Museum verréit eis, wien de berüümtste Lëtzebuerger war, mir begéinen enger Bommelkinnigin, maachen en Experiment mat Waasser a schreiwe weider un eisem Roman.
Noriichten, eng Geschicht, gëfteg Déieren an eng Spann
Am zweeten Dag vun der radio 100,7-Schoul gi mir mam Carmen an den natur musée op d'Spuere vu gëftegen Déieren, d'Renée Weber erzielt eis eng Geschicht vun der Ann Spann an nach villes méi.
Bilddiktat mat der Villa Vauban
Am 100,7-Klassesall presentéiere mir en Diktat, awer keent mat Buschtawen a Sätz, nee, mir molen e Bild. Blat a Bläistëfter prett? D'Kyra Thielen vun der Villa Vauban diktéiert.
