SOT EMOL "Et fänkt een un iwwer d'Liewen nozedenken"

De Covid hat de Serge Basso de March zolidd erwëscht. En hat dem Doud wuel net an d'Aen gekuckt, mee en huet en awer um Horizont gesinn, seet de fréieren Direkter vun der Kulturfabrik zu Esch.

Jean-Claude Majerus / tt

Serge Basso de March
De Serge Basso ass de fréieren Direkter vun der Escher Kulturfabrik.

Et denkt een iwwer de Sënn vum Liewen no, an do hu beim Serge Basso de March e puer Zären ugefaangen auszeschloen. D'Decisioun fir an d'Pensioun ze goe war séier geholl. "Et ginn Dreem déi ech nach wëll erliewen", betount de Serge Basso de March.

"Et ass eng Rolls-Royce mat engem 2CV-Chassis ouni Bensinn"

Genee esou huet de Serge Basso de March d'Kulturfabrik bei senger Arrivée 2002 beschriwwen, a wie refuséiert schonn eng "Rolls Royce". Eng Plaz wéi d'Kulturfabrik gëtt et der ganz wéineg:

"A la fois un lieu d'accueil, à la fois un lieu qui fait bar, restaurant, avec autant de salles, toute cette diversité, cette pluriculturalité, ce problème transfrontalier. Enfin, c'est un lieu unique quelque part, donc on le lâche pas quand on vous l'offre."

De Serge Basso de March hätt ugangs och net gegleeft datt seng Aventure Kulturfabrik mat deenen Dimensiounen 18 Joer laang géif daueren.

"Je suis un peu clown"

Eng vun den Tracen, déi der Serge Basso de March an der Kulturfabrik hannerléisst ass de "Festival des Clowns", e Genre deen him ferm um Häerz läit. Him gefält virun allem d'Laache vun de Clownen, e Laachen dat derangéiert an eis uschwätzt. Et ass e Laachen, dat de Mënsch nees an den Zentrum setzt. Och wann dacks gesot gëtt de Clown wier bannendran traureg.

Comme disait W.C. Fields: 'Le clown est triste parce qu'il est mal payé'(....) Oui, mais l'avantage du clown, c'est qu'il garde sa tristesse pour l'intérieur et pour chez lui. Et dans le monde public il est gai, je suis un peu comme ça, oui."

An der Mediathéik:

Sot emol / / Jean Claude Majerus
Lauschteren

Méi zum Thema

Jo Nousse
Land a Leit

Bei eise franséischen Nopere sinn déi regional Sprooche laang ënnerdréckt ginn. Et stoung ënner Strof seng Mammesproochen ze schwätzen. Och dem Jo Nousse ass et net anescht ergaangen.

Frank Feitler
Sot emol

Zu Bäerdref opgewuess, zu Esch seng Jugend verbruecht: de Frank Feitler, bekannt fir seng Aarbecht op an nieft der Bün, fillt sech als eng Mëschung tëscht Bauer an Aarbechter, mat deene positive wéi mat deenen negative Säiten.

Sabrina Collé
Sot e mol

Vun de Lëpsen ofliesen ass fir Leit, déi net gutt oder näischt héieren, an der Pandemie ewech gefall. D'Kommunikatioun mat héiergeschiedegte Mënsche war extrem schwiereg bis onméiglech, seet d'Sabrina Collé.

René Closter
Sot Emol

De René Closter rett zanter Joerzéngte Mënscheliewen, andeems hien dohinner flitt wou grad een Desaster geschitt ass. Fir de Fondateur vun der Luxembourg Air Rescue huet alles 1988 ugefaangen.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen