100,7-Klassesall Eng nei Woch, en neie Programm
De Pierre Reyland erzielt eis eppes iwwer de Coronavirus an den USA, d'Sandrine Amann aus dem natur musée erkläert eis, wéi mer d'Faarwe gesinn oder net gesinn, an de Roland Meyer verréit iech, wéi d'Geschicht weidergeet, un där dir matgeschafft hutt.
Vill Spaass am 100,7-Klassesall! Denkt drun, eis är Biller an Texter eranzeschécken: klassesall@100komma7.lu
Noriichten
Déi meescht Länner op der Welt hu jo ganz streng Reegelen ageféiert, fir ze verhënneren, datt nach méi Leit sech mam Cornoavirus ustiechen. Ënner anerem gëtt gesot, d'Leit sollen oder missten doheem bleiwen. Och an den USA ginn et sou Reegelen.
Mee den amerikanesche President Donald Trump hat d'lescht Woch nach gesot, hie géif hoffen, datt all déi Reegele fir Ouschteren nees kéinten opgehuewe ginn, fir datt nees alles normal ka funktionéieren - also ganz geschwënn, well Ouschteren ass schonn den 12. Abrëll. Elo awer, huet den amerikanesche President seng Meenung geännert.
Schätz aus dem natur musée
Wéi kënnt et, datt mer Mënschen esou vill verschidde Faarwe gesinn? A wéi gesäit eis d'Gehier dann, ob en Objet elo rout, blo, gréng oder soss eng Faarf huet? A wéi ass dat bei den Déieren?
D'Sandrine aus dem Science-Mobil huet sech mam Joshua mat Faarwe beschäftegt.
Mr. Science
An och an der zweeter Woch am 100,7-Klassesall ass de Mister Science nees mat senge spannende Experimenter derbäi. An haut geet an sengem Experiment ëm Absorber an Pampersen, an där grousser Fro: Wéi Waasser verschwanne kann! Super-Spannend!
A lauschtert oder kuckt no, mam Mister Science kënnt der bal zauberen.
Mir schreiwen zesummen e Buch - Dat 3. Kapitel
Nodeems nees fläisseg weider un der Geschicht gesponne gouf, huet de Roland Meyer eis fir haut dat 3. Kapitel geschriwwen.
Dofir lauschtere mer haut emol wéi d'Iddien, déi dir zu dëser Geschicht hat, mat afléissen, an dono kënnt dir Iech alleguerte Gedanke maachen, wéi dir mengt, datt d'Geschicht weider kéint goen.
Schéckt eis Är Iddien op klassesall@100komma7.lu
An der Mediathéik:
LauschterenMéi zum Thema
Gréng Kamellen, Schueberfouer, de Reebou
Virum Weekend maache mir haut natierlech eise Klassesall op. Theema haut: Gréng Kamellen an d'Schueberfouer, de Reebou an d'Noriicht vum Dag an eng Hausaufgab.
D'Greta Thunberg, den Indiana Jones an d'Ann Spann
Am 100,7-Klassesall kucke mir ënner anerem, wat d'Greta Thunberg eigentlech mécht, mir kréie vun de Bommelen erzielt, d'Renée Weber zielt eis d'Geschicht vun der Ann Spann weider, a mir kréien eng Aufgab.
Bommelkinnigin an een Experiment mat Waasser
D'Julie Treff aus dem Luxembourg City Museum verréit eis, wien de berüümtste Lëtzebuerger war, mir begéinen enger Bommelkinnigin, maachen en Experiment mat Waasser a schreiwe weider un eisem Roman.
Noriichten, eng Geschicht, gëfteg Déieren an eng Spann
Am zweeten Dag vun der radio 100,7-Schoul gi mir mam Carmen an den natur musée op d'Spuere vu gëftegen Déieren, d'Renée Weber erzielt eis eng Geschicht vun der Ann Spann an nach villes méi.
