Lëtzebuerg entdecken Camping Kockelscheuer

D'Kockelscheier ass haaptsächlech duerch déi grouss Äispist, déi sëllech Keelebunnen, Tennis- a Squash-Anlagen, an den neien Trainings- a Golfschnupper-Zenter e Begrëff. De Camping, deen tëschent all dësen Anlagen läit, ass hei am Land manner bekannt, mee gëtt vu villen auslännesche Camper héich appreciéiert. De Claude Faber huet sech fir d'Summer-Serie "Lëtzebuerg entdecken" mat der Margo Struik, der aktueller Gerante vum Camping Kockelscheier, ënnerhalen.

Claude Faber / cz

Camping Kockelscheuer
Camping Kockelscheuer ( Foto: Claude Faber)

D'Rezeptioun um Camping Kockelscheier leeft Dag fir Dag op Héichtouren. Zwee Studente ginn hiert Bescht, fir keng grouss Waardezäiten entstoen ze loossen. De Camping Kockelscheier ass nämlech wäit iwwer d'Landesgrenzen als Duerchgangs-Camping bekannt. D'Margo Struik ass sech bewosst, datt esou een Duerchgangsverkéier vill Aarbecht bedeit. Dobäi ass de Camping à la base ee Gemenge-Camping.

Zanter Abrëll dëst Joer schafft d'Margo fest um Camping Kockelscheier, an, zesummen mat just zwee weidere feste Mataarbechter a mat e puer Saisons-Studenten, hale si de Betrib zesummen um Rullen. Well d'Margo scho Jore virdrun selwer op d'Kockelscheier campéiere koum, kennt si d'Virdeeler, mee och d'Naupe vum Site, an et feelt deemno och net un Iddien, dem Camping eventuell nach eng aner Nues ze ginn, wéi "nëmmen" déi vun engem top Duerchgangs-Camping.

Een neien Fussball-Stadion, an deem an Zukunft net nëmmen international Matcher, mee eventuell och grouss Concerte gespillt ginn, dat kann natierlech d'ganz Joer iwwer ee grousst Potential fir de Camping Kockelscheier ginn. Wat dat kéint bedeiten, huet d'Equipe ronderëm d'Margo Struik schonn dëse Weekend gemierkt, wéi Rammstein mat 18.000 Spectateuren zu Réiser opgetrueden ass.

An der Mediathéik:

Lauschteren

Programm

Net verpassen

  • Annonce: Recherche d'un chef de la programmation

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 chef de la programmation (m/f) pour contrat à durée indéterminée et à temps plein.

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen