Album vun der Woch Zäit fir aner Säiten opzezéien

Mat "The Great White Sea Eagle" geléngt dem James Yorkston eng vu senge schéinste Placken. Zur Säit steet him dobäi d'Nina Persson vun The Cardigans an Second Hand Orchestra fir seng Lidder an eng Mëschung aus Folk, Pop a Jazz ze kleeden.

Claudine Muno / tt

James Yorkston - PC Anna Drvnik 1 - 300 dpi.jpg
Den James Yorkston mat de Museker:inne vu sengem neitsten Album. Foto: Anna Drvnik

Wann ee schonn iwwer zwanzeg Joer laang als Songschreiwer aktiv ass, da kann et emol virkommen, datt engem d'Iddien ausginn. De Problem schéngt de schottesche Museker James Yorkston net ze hunn, wann ee sech ukuckt, wéi vill Placken hie schonn erausbruecht huet, an a wéi vill Formatiounen hie soss nach aktiv ass.

Trotzdeem huet hie fir säi leschten Album "The Great White Sea Eagle" decidéiert, emol nei Säiten opzezéien, a vu sengem traditionellen Instrument, der Gittar, un de Piano ze wiesselen. Net nëmme beim Komponéieren huet hien sech op onbekannten Terrain gewot, och d'Arrangementer sinn op ganz ongewéinlech Manéier entstanen.

De schwedesche Second Hand Orchestra huet dem Yorkston seng zwielef Lidder agekleet an eng Mëschung aus Folk, Pop a Jazz, schéin, mee grad just kromm genuch, fir datt et ni langweileg gëtt. Virun der Opnam hunn d'Musekerinnen a Museker d'Stécker nëmmen e puer Mol geprouft, fir och nach Raum ze loosse fir Improvisatioun. Verstäerkung um Gesang kritt de Yorkston vun der Nina Persson, bekannt als Frontfra vun der schwedescher Formatioun Cardigans - béid Stëmmen ergänze sech hei perfekt.

Foto: Sian Adler

Och d'Texter sinn derwäert eranzelauschteren. Hanner Titele wéi "Heavy Lyric Police", "Keeping Up With The Grandchildren, Yeah" oder "Peter Paulo Van Der Heyden" verstoppen sech kleng Geschichten, den Titelsong "The Great White Sea Eagle" ass souguer ee laangt vertountent Gedicht. De James Yorkston weess mat Wierder ëmzegoen, nieft senger Aktivitéit als Museker huet hien och schonn e puer Romaner publizéiert.

D'Mëschung aus klasseschem Songwriting, ofwiesslungsräichen Arrangementer a gutt geschriwwenen Texter maachen aus "The Great White Sea Eagle" en Album, un deem een ëmmer erëm nei Säiten entdecke kann.

An der Mediathéik:

Album vun der Woch / / Claudine Muno
Lauschteren

Méi zum Thema

Ogazon
Lëtzebuerger DJ zu Berlin

Vill Jonker dreeme vun hirem Beruff: Si ass DJ, lieft zu Berlin an huet grad beim Marcel Dettmann senger neier Agence ënnerschriwwen. Leschte Sonndeg hat si hiren drëtten Oprtëtt am bekannte Club Berghain.

320273792_6035985543119047_386658247457099087_n.jpg
Little Simz - No Thank You

No hirem grousse Succès 2022 ass der brittescher Rapperin Little Simz hir neitste Plack "No Thank You" eng Ofrechnung mam Musikbusiness - an eisen Album vun der Woch.

SZA
Album vun der Woch

Fënnef Joer no hirem Duerchbroch mellt sech d'RnB-Sensatioun SZA mat engem couragéisen an imposanten Album zeréck. Eng gezillszaart Roserei duerchzitt den Album, mengt de Max Tholl.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen