Marvin Gaye - After the Dance Sample vun der Woch: Intim, mee classy

Dat do kennen ech dach, oder? Wien huet déi Melodie geklaut, wien huet dee Rhythmus nogespillt? De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen.

Bobby Bieles / rb

Marvin Gaye - "I Want You"
Albumcover vun "I Want You" vum Marvin Gaye.

Dem Marvin Gaye säin erfollegräichen Album "I Want You" koum 1976 bei Tamla eraus, engem Ënnerlabel vu Motown. Et war säi 14. Studio-Album, ee ganz gelongenen Nofollger vu "Lets Get It On". De Stil kann een als fréien Disco Konzept-Album bezeechnen, wat och gläichzäiteg e Richtungswiessel fir de Gaye bedeit.

Hie léisst effektiv säin urspréngleche Motown-Sound hanner sech a beweegt sech éischter a Richtung Disco. De ganzen Album ass produzéiert vum Leon Ware an erzielt d'Libesgeschicht tëschent dem Gaye a senger zukünfteger Fra, der Janis Hunter.

Et geet hei haaptsächlech dorëms, wärend dem ganze Konzept-Album op eng cinematographesch Aart a Weis eng lues Downtempo-Atmosphär ze beschreiwen. D'Theeme sinn all erotesch an den Album moolt hei Biller vu Late night Club-Stëmmung.

De Gaye beschreift duerch duuss Synthesizer-Texturen eng intim Situatioun, wéi zwee Leit sech progressiv ëmmer méi nokommen. De Gaye weist sech vulnerabel a verléift a mécht eis d'Dieren zu senger Privatsphär op. Mee hie bleift ëmmer classy a graziéis, obwuel hien déi intiimst Theemen uschwätzt.

Vill Deeler vum Gaye sengem Album goufen am Hip-Hop gesampelt. D'Lidd "After the Dance (vocal)" war déi zweet Single vum Album a war zur Zäit vu senger Sortie net esou erfollegräich a gouf eréischt méi spéit zum Klassiker.

"After the Dance" huet et bis op d'Lidd "With Me" vum fënneften Album vun DeLaSoul gepackt, deen "Art Official Intelligence: Mosaic Thump" geheescht huet. Den Album huet de grousse Retour vun DeLaSoul am Joer 2001 gefeiert a gëtt duerch seng dezent Villsäitegkeet universell als ganz gelongen ugesinn.

En anert Beispill ass d'Lidd "Play On Playa (feat. Snoop Dogg)" vum Rapper Nas. Dat war op sengem Album "Hip Hop Is Dead" vun 2006.

Erstaunlecher Weis mécht souguer d'Grupp "The Isley Brothers" dem Gaye en Hommage op hirem spéiden Hit "Move Your Body" vun 2001.

An der Mediathéik:

De Sample vun der Woch / / Bobby Bieles
Lauschteren

Méi zum Thema

e35.jpg
Otis Redding - Try A Little Tenderness

De Bobby Bieles ass Sample-Detektiv an erzielt d'Geschichte vu Lidder, deenen hir Bestanddeeler ëmmer nees an neier Form re-inkarnéiert goufen. Haut schwätze mer vum Otis Redding seng Interpretatioun vum Lidd "Try A Little Tenderness".

e33.jpg
Sample vun der Woch

De Song "Say it Loud I'm Black and I'm Proud" ass 1968 um Album mam selwechten Numm bei King Records erauskomm. E gouf 224 mol gesampelt an ass bis haut ee vun de beléiftste Samples fir Hip-Hop-Producer.

Net verpassen

Programm

  • Notturno

  • On air

    De Weekend

    • Liewe fir de Veräin

  • Noriichten

  • Grousse Kino

  • Panorama

Dossieren

  • Gemengewalen 2023

    Den 11. Juni gëtt an de verschiddene Gemenge vum Land en neie Gemengerot gewielt. Wéi eng Sujete dominéieren d'Wal a wéi verleeft de Walkampf an de vereenzelte Gemengen?

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen