Internationale Showcase Festival Francis of Delirium vertrëtt Lëtzebuerg um Eurosonic

Francis of Delirium vertrëtt Lëtzebuerg am Januar beim Eurosonic Festival. De radio 100,7 huet d'Rockband invitéiert. Et ass dee gréissten europäesche Showcase Festival. D'Museksbranche trëfft sech all Joer an der hollännescher Stad Groningen, fir nei Talenter ze entdecken. Fir Francis of Delirium kéint den Event e Sprangbriet sinn, fir hir Karriär op internationalem Niveau ze lancéieren.

Francis Of Delirium Aircheck Session
Francis of Delirium bei der 100,7-Aircheck Session am Abrëll

"Ech muss mech dauernd pëtzen, fir ze gleewen, datt et wouer ass", seet d'Sängerin Jana Bahrich. E Freideg fänkt der Band hir éischt Tournée duerch Groussbritannien un, an am Mäerz 2022 geet et fir iwwer e Mount an d'USA.

Den Optrëtt um Eurosonic kënnt deemno fir Francis of Delirium genee zum richtegen Zäitpunkt. "Et ass wichteg, datt een als Band schonn eng gewëss Renommée huet, an datt een trotzdeem nach frësch um Marché ass", seet den Yves Stephany aus der 100,7-Museksredaktioun. Duerch Artikelen op renomméierten internationale Museksbloggen an Optrëtter bei Festivallen, wéi dem Reeperbahn Festival hätt d'Formatioun schonn déi néideg Opmierksamkeet vun de Professionellen aus dem Secteur.

Professionell encâdréiert

Déi Meenung deelt och de Zach Glavan, Responsabel fir de Volet Pop/Rock beim Lëtzebuerger Arts Council Kultur|lx. D'Band hätt am leschte Joer eng fantastesch Entwécklung gemaach. Si wiere bei engem brittesche Label gesigned ginn an hätten zwou international Booking Agencë fonnt.

Elo ass et un hirer brittescher Booking-Agence, fir d'Festivalen op de Concert vu Francis Of Delirium ze invitéieren. Och d'Ekipp vum Arts Counsil Kultur|lx wäert hir Kontakter mobiliséieren.

D'Band selwer ka sech doduerch beim Eurosonic ganz op hir Musek konzentréieren. "Ech hoffe just, datt mir e richteg formidabele Concert spillen, an datt wäerte vill Leit lauschtere kommen," seet d'Jana Bahrich.

Si géif sech awer wënschen, datt d'Band an den Nopeschlänner nach méi kéint Fouss faassen.

100,7 u Festival bedeelegt

Als Member vun der European Broadcasting Union ass de radio 100,7 um Festival bedeelegt. All Joer designéiert d'Museksredaktioun eng Band oder e Solo-Artist, déi beim Eurosonic kënnen optrieden.

Méi zum Thema

Francis Of Delirium Aircheck Session
Single “Come Out And Play”

Eng grouss UK-Tour steet u fir Francis of Delirium, déi sech mat enger neier Single a räich u frëschen Erfarungen presentéieren. "Come Out And Play" erzielt dovunner, wéi mir heiansdo alleguer Verstoppches mat eis selwer spillen.

Francis Of Delirium Aircheck Session
Aircheck Session Francis Of Delirium

Francis Of Delirium spille Lidder vun den éischten zwou EPen an intime Kader vun der Kulturfabrik. Lauschtert d'Aircheck Session integral a loosst Iech vun der Jana Bahrich hirer Konscht verzauberen.

Francis-of-Delirium - Orchestral Session
Congés Annulés

Der Jana Bahrich hir Grunge-Emo-Stécker kréien e Samschdeg an de Rotonden geschmeideg harmonesch Ënnerstëtzung. Sträicher, Vibraphon a Bléiser blose frësche Wand an hir intim Kompositiounen.

TUYS
Musek

Tuys vertrëtt Lëtzebuerg nächste Weekend um Eurosonic Festival. Um Showcase Event zu Groningen decidéiert sech, wéi eng nei Talenter een am Summer op den europäesche Festivalle ka gesinn.

Net verpassen

  • Offre d'emploi: Programmchef

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen