Radioslandschaft Ëffentlech-rechtlech Museksaarbecht als Multiplicateur

An engem Rapport huet d'EBU d'Contributioun vum ëffentleche Radio a senge Museksaktivitéiten zu der europäescher Wirtschaft chiffréiert. Et ass déi éischte Kéier, datt dat geschitt.

Marc Clement / cbi

Illustratiotun Radio
Foto: Bigstock / dolgachov

Den Exercice ass pertinent, d'Rhetorik vun den Debaten iwwer de Service Public ass meeschtens eng, déi sech op d'Ausgabe fokusséiert, wéi op d'Einnamen. Et ass méi vu sozialer Verflichtung rieds wéi vu wirtschaftlechem Notzen, seet de Generaldirekter vun der EBU, den Noel Curren.

Nieft dem onchiffréierbaren Notzen, deen dem Bierger duerch d'Lauschtere vu Musek zoukënnt, ass awer grad de positive wirtschaftlechen Impakt vun ëffentleche Radioen net ze vernoléissegen. Dat weist d'Etüd vun de Wirtschaftsanalyste bei Oxford Economics iwwerzeegend.

Dräi Niveauen

Dräi Niveaue vun Impakter goufen a Consideratioun gezunn: den direkten Impakt betrëfft zum Beispill den Emploi, deen dës Haiser generéieren, sief et an hirer Käraktivitéit oder a konnexen Organisme wéi Radiosorchesteren, Chéier an Ensembelen.

D'Roll, déi ëffentlech Medie bei de Produite vun der Museksindustrie spillen - als Abnehmer vu Musek, Generateur vun Auteursrechter oder als Promoteur zum Beispill - fält ënner déi indirekt Impakter. Een drëtten Niveau rechent och de Kaf vu Material a Servicer an d'Kafkraaft vun den Employéë mat an.

50.000 Aarbechtsplazen hänken dovun of

D'Method entsprécht där klassesch-quantitativer, wéi se an anere Wirtschaftszweiger genee esou benotzt gëtt, a féiert zu éischter iwwerraschende Resultater. Wéinstens 50.000 Aarbechtsplazen hänken an Europa vun ëffentlech-rechtleche Radioen of, dat sinn der dräi Mol esouvill, wéi dës Haiser selwer astellen.

D'Contributioun zum europäesche PIB läit bei 3,15 Milliarden Euro. Wann ee bedenkt, datt de ganze PIB vun der EU 2019 bei 13.94 Trillioune louch, gesäit dat no wéineg aus, mee et ass vill méi, wéi een dem Secteur bis elo, ouni Zuelen à l'appui, zougemooss huet.

De Spektrum iwwer Kommerzielles a Bekanntes eraus erweideren

D'Etüd wäert sécher dobäi hëllefe Regierungen a Wieler mat haarde Fakten de Wäert vun hirem Investissement an den ëffentleche Radiodéngscht nozeleeën. Et ass awer och just ee klenge Complement zum qualitativen Impakt, deen den ëffentleche Radio op d'Liewensqualitéit vun de Bierger huet.

Och déi sozial Roll vun der Musek kann een net ënnerschätzen: wat ëffentlech Chaînen hei zum Museksbusiness bäisteieren ass eng Ouverture op nei, nach net kommerziell erfollegräich Museken a Stiler, déi net nëmmen nei kommerziell Nischen opmécht, mee och nei Leit zum Museklauschtere bréngt, an deenen, déi schonns Museksfrënn sinn, Horizonter erschléisst.

Dës Diversitéit ass dee gréissten Atout, mengt de Graham Dixon, Head of Radio bei der EBU:

(..) the broadcasting organizations have now assumed the role of cultural patronage shaping and leading taste, and helping all audience members to explore new sounds, working across genres from classical rock, pop and emerging styles. And of course, they can do this because of the special way which public service media is funded, where the priority is not immediate rating success. And this means that risks, editorial and artistic, can be taken by engaging less established bands and emerging musicians, or composers at the start of their careers. This develops the cultural capital of the country. Investing in the performers also means giving inspiration to listeners. And this is complemented by many educational projects, organized by our Members, in which new talents, nurtured by public media, begin to make their own economic contribution to their societies (..).

An der Mediathéik:

Backstage / / Marc Clement
Lauschteren

Méi zum Thema

Michel Welter
Concertsberäich

De Michel Welter weess net, wéi laang den Atelier et nach als Organisateur vu Concerte kéint packen. De Gerant vun "A promotions" rechent domat, datt eréischt 2022 eng normal Aktivitéit kéint erreecht ginn.

Musek-Streaming
Wirtschaftschronik

Musek-Streaming a Piratage veränneren de Geschäftsmodell vun der Museksindustrie weltwäit. Fréier si Museker wéi de Mick Jagger oder de Prince mat hirer populärer Musek räich ginn. Dat war emol.

Programm

  • Vu 6 bis 10

  • On air

    Vun 10 bis 2

  • Resonanzen

  • Vun 3 bis 6

  • Tockcity

Net verpassen

  • Offre d'emploi: 1 responsable ressources humaines (m/f)

    HR Human Resources

    L'Etablissement de Radiodiffusion Socioculturelle recherche 1 responsable ressources humaines (m/f) sous contrat à durée déterminée en vue du remplacement d'un congé de maternité et d'un congé parental à temps plein.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen