Georges-Enescu-Concours zu Bukarest De Lëtzebuerger Cellist Benjamin Kruithof wënnt den éischte Präis

Gëschter Owend (8.9.2022) war d'Finale vum Cellosconcours beim internationale Georges-Enescu-Concours zu Bukarest. Dräi Museker stoungen an der Finale. Um Enn setzt sech de Lëtzebuerger Cellist Benjamin Kruithof duerch, deen ënner der Presidence vum David Geringas mat senger Interpretatioun vum Concerto vum Antonin Dvorak iwwerzeegt huet.

ge

Benjamin Kruithof - Enescu-Concours 2022.jpg
D'Finalisten vum Concours: Constantin Siepermann, Benjamin Kruithof, Constantin Borodin (v.l.n.r.)

De Benjamin Kruithof huet de Jury ënner der Presidence vum David Geringas mat senger Interpretatioun vum Concerto vum Antonin Dvorak iwwerzeegt. Den zweete Präis kritt de Constantin Borodin aus Modawien, den drëtte Präis geet un de Constantin Siepermann aus Däitschland.

Fir de jonke Lëtzebuerger Cellist geet domadder eng Aventure op en Enn, déi ganz spontan ugefaangen hat. Wéi d'Ausschreiwung vum Concours war, hat de Benjamin Kruithof sech eréischt op Dirängele vu sengem Professer op der Universität der Künste zu Berlin, dem Jens Peter Maintz, fir de Concours ugemellt. Well de Museker déi Zäit scho vill aner Engagementer hat, war d'Virbereedung relativ knapp an deemno streng organiséiert.

Am Juni stoung d'Resultat vun der Halleffinalle: De Benjamin Kruithof hat sech als ee vun zéng selektionéierte Musekerinnen a Museker fir déi leschte Ronnen vum Georges-Enescu-Concours 2022 qualifizéiert. Et blouf dunn d'grouss Vakanz, fir sech op dës Etapp virzebereeden, wat eng ganz intensiv Zäit fir de Cellist war.

Den éischte Präis vum Georges-Enescu-Concours ass mat 15.000 € dotéiert. Grad esou wichteg wéi de Geldpräis ass fir de Benjamin Kruithof awer och déi grouss Opmierksamkeet, déi elo op en duerkënnt: vill Gespréicher mat Manager, Concertsorganisateuren an Engagementer.

An der Mediathéik:

Klassik aktuell / / Guy Engels
Lauschteren

Net verpassen

Dossieren

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen