Post Rock Antifragile presentéieren Debut

Zënter iwwer zwee Joer maache si sech een Numm op de Lëtzebuerger Bühnen. Elo kënnt endlech den Debut-EP vun Antifragile eraus. Dee markéiert allerdéngs schonn nees den Ufank vun enger neier Schafensperiod.

Marc Clement / ys

Antifragile
Antifragile op der Bühn

"Mir hu scho Villes héieren, vu Post-Hardcore, iwwer Post-Rock bis Math-Rock. Awer mir hu selwer ni eise Stil definéiert." Awer d'Museker vun Antifragile si pragmatesch. Dat wat op der Affiche steet, géif och ëmmer passen.

Um Ufank hätte si instrumental Musek gemaach. Awer beim Prozess vum Songwriting wier kloer ginn, datt si ee Sänger misste rekrutéieren.

Déi nei EP wier scho virun iwwer zwee Joer entstanen. Wéinst dem Studium vun deenen eenzele Museker wier d'Verëffentlechung ëmmer nees verréckelt ginn. "Lo hu mir déi Saach einfach mol an d'Hand geholl." Zënterhier géif d'Band sech allerdéngs ëmmer méi vun der CD léisen an nei Stécker schreiwen. Och stilistesch géif do eng Verännerung geschéien. Déi nei Wierker géife méi homogen kléngen.

Antifragile gesi sech als engagéiert Band. Vum Anti-Atom-Concert um Greenpeace Schëff bis bei T-Shirten, déi fairtrade, bio a vegan sinn, géif ee probéieren d'Welt sou z'ënnerstëtzen, wéi ee kéint. D'Texter an de poppege Gesank géifen déi méi komplex Musek accessibel maachen. "Et geet ëm Léift an Herz-Schmerz an Zesummenhalt."

E Samschdeg, den 21. Januar presentéieren Antifragile hiren éischten EP an de Rotonden. Informatiounen: http://rotondes.lu/agenda/details/event/antifragile-album-release-night/

An der Mediathéik:

Backstage / / Marc Clement
Lauschteren

Méi zum Thema

Cleveland
Elektronesch Musek

Hie verëffentlecht op renomméierte Labelen a spillt a bekannte Cluben. Elo cibléiert hien déi grouss europäesch Festivalen. De Produzent Cleveland vertrëtt Lëtzebuerg beim Eurosonic. Ee Gespréich.

Edsun
Rock a Pop zu Lëtzebuerg

2016 war ee spannend Joer fir d'Musek zu Lëtzebuerg. Am Schied vum Grammy si vill pertinent Produktiounen entstanen, et hu sech nei Talenter op d'Bühn gewot, an et gouf iwwerraschend Reformatiounen.

komparce
Museks-Label

Vill Lëtzebuerger Museker hunn Diske bei "Chez Kito Kat" verëffentlecht. De Label vu Metz feiert elo säin zéngte Gebuertsdag. De Bilan ass positiv. An och fir d'Zukunft si spannend Projete geplangt.

Tvesla
Noisum Cracum

Wee Rockmusek zu Lëtzebuerg suivéiert, huet et scho matkritt: No siwe Joer Paus stinn Tvesla nees op der Bühn. Den Trio huet e komplett neie Programm an eng nei Dynamik. Och en Album ass geplangt.

Net verpassen

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen