Kultur Gitt Der mat op de Mars?

"Esch - Mars - de Terres Rouges en Terres Rouges" heescht de Projet vum Kënschtlerkollektiv Eddi van Tsui. Ee Joer laang exploréiert d'Ekipp op wëssenschaftlecher, sozialer, artistescher a literarescher Manéier de Sujet vun der Kolonialiséierung vum Mars. E Projet fir d'Kulturjoer Esch 2022.

Valerija Berdi / cz

"Esch - Mars - de Terres Rouges en Terres Rouges"
Op der Foto: Angéline Moret, Poerrick Grobéty,Daniel Marinangeli, Sandy Flinto (Compagnie Eddi van Tsui)

Si hate grad e Reportage iwwer d'Kolonialiséierung vum Mars gesinn, wou se op der Sich no engem Projet fir d'Kulturjoer Esch 2022 waren an do war dann och d'Inspiratioun do, erkläert Pierrick Gobérty, deen nieft der Sandy Flinto an dem Daniel Marinangeli , Porteur de Projet vun "Esch-Mars de terres roues en terres" ass.

E Projet iwwer de Planéit Mars. Eng Relatioun mam Minette läit schonn op der Hand. De konkreten Hannergedanken ass, d'Refinitioun vun eisen ethesche Wäerter a vun eiser sozialer Struktur.

Ass e Liewen um Planéit Mars méiglech a wat heescht dat fir déi individuell a kollektiv Identitéit?

A véier Phase geet d'Ekipp dëse Froen op d'Spuer

Déi éischt Phas ass elo um Start: Wärend 40 Deeg begéinen d'ArtistInne WëssenschaftlerInnen aus ganz ënnerschiddlechen Domainen: aus der Informatik, der Astrophysik, der Geographie, der Politikwëssenschaft, der Robotik, der Literatur, Mikrobiologie...

Mat hinne soll dann eng méiglech oder onméiglech Zukunft beschwat a festgehale ginn, iert et da mat dëser Datebank an déi zweet Phas geet.

Hei sinn dann d'BiergerInne gefrot. Wärend 40 Deeg gi mat ausgewielte Leit, och a Form vu Micro-trottoir, d'Zukunft vum Mënsch um Mars beschwat, iert dann d' Auteuren Daniel Marinangeli, Paul Mathieu an Tom Nisse mat den Aussoe konfrontéiert gi fir aus dësen eng eegen Narratioun ze kreéieren.

An da geet de Projet an déi drëtt Phas: hei geet et ëm déi artistesch Traductioun vun de Kollekt. Siwe KënschtlerInnen aus Lëtzebuerg an aus dem Ausland aus ganz ënnerschiddleche Sparte befaassen sech mat Sujet an dann an der véierter Phas ass d'Ausstellung an der Escher Konschthal um Programm.

E Projet, deen och finanziell muss opgoen, D'Companie Eddi van Tsui krut knapp 30 Prozent vun der asbl Esch 2022 finanzéiert. De Rescht hu se selwer missen zesumme kréien. E weideren Defi....

An der Mediathéik:

Kultur / / Valerija Berdi
Lauschteren

Méi zum Thema

De Mohamed Mbougar Sarr nom Gewënn vum Prix Goncourt. Foto: picture alliance / NurPhoto
Literatur

Dee wichtegste franséische Literaturpräis gouf gëschter un de senegaleeseschen Auteur Mohamed Mbougar Sarr fir säi Roman "La Plus Secrète Mémoire des hommes" iwwerreecht.

Esch2022 Press day
Esch2022

Déi 130 lokal Projete wieren an "dréchnen Dicher", sou d'Organisateure vun Esch2022. Vun den ugestriefte Sponsoregelder ass een nach e Stéck ewech. A véier Méint ass den offizielle Lancement.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen