Theaterfederatioun Den Theater nom Deconfinement

Bal sechs Méint laang hunn d'Theateren zu Lëtzebuerg hir Diere wéinst der Pandemie missten zouloossen. Fir d'Theaterfederatioun war dat e Moment, fir déi aktuell Situatioun ze analyséieren an am Dialog mam Kulturministère nei Projeten auszeschaffen. Zwou Aarbechtsgruppen huet d'Theaterfederatioun op d'Bee gestallt, déi kuerz- a laangfristeg op d'Besoine vum Spectacle vivant aginn.

Valerija Berdi / cbi

Theaterfest 2019
D'Theaterfest 2019. Foto: Bohumil Kostohryz boshua

De Bäitrag vum Valerija Berdi lauschteren


Eng nei Websäit an en neie Logo fir d'Theaterfederatioun sinn net déi eenzeg Innovatioune bei der Theaterfederatioun, déi 22 Memberen aus dem Secteur vum Spectale vivant zu Lëtzebuerg representéiert.

Ee vun de grousse Projeten ass d'Realisatioun vun den éischten Theaterassisen dëst Joer am Dezember. Sektoriell Assisë wiere wichteg, esou de Claude Mangen, President vun der Theaterfederatioun. Ee vun de wichtegen, laangfristege Projete wier dann un engem Centre de documentatioun de l'histoire du Théâtre ze schaffen.

Méi effikass zesummeschaffen

Weider wier et wichteg fir méi koherent an effikass zesummenzeschaffen, ënnersträicht de Claude Mangen. Dofir ass e Groupe de durabilité op d'Bee gestallt ginn. Et géif vill am Lëtzebuerger Theater geschafft ginn an et misst ee kucken d'Synergië weider ze entwéckelen.

Wéinst de ville gemeinsame Produktioune misst ee sech och iwwerleeën, wéi een d'Kostümer an d'Bünebiller kéint an engem gemeinsame Fundus zesummendroen, esou datt verschidde Produktioune kënnen dorop zeréckgräifen.

E weideren Deel vun den Theaterassisë wäert sech op d'Relatioun tëschent dem Theater an der Press fokusséieren. Am Mäerz 2021 sollen dann och Theaterdeeg lancéiert ginn, déi virun allem de jonke Publik cibléieren.

Véier Präisser

Fir d'Saison 2021/2021 sollen a Kollaboratioun mam Kulturministère véier Präisser fir de Spectacle vivant kreéiert ginn:

  • Prix national du théâtre récompensant une œuvre complète. Mat dësem Präis soll eng Perséinlechkeet aus dem Theaterberäich geéiert ginn, déi Pionéieraarbecht gemaach huet a vill Meritten am Secteur huet
  • Prix jeune espoir. Hei wëllt een déi nächst Generatioun am Fokus hunn, erkläert de Claude Mangen
  • Prix pour la meilleure création, engersäits d'Schauspill, d'Mise en scène oder d'Dramaturgie
  • an ee Präis fir d'Zeenographie, d'Kostümer, d'Beliichtung oder d'Schminken

Méi zum Thema

Schlofzemmerbleck
Op alle Streaming-Plattformen

Haut kënnt d'Schlofzëmmerbléck-Compilatioun op den digitale Plattformen eraus. De radio 100,7 huet 13 Lëtzebuerger Museker gefrot e Stéck am Confinement ze schreiwen. E Sonndeg ass d'Release-Party.

Olivier Garofalo
Kultur

Den Olivier Garofalo ass Dramaturg an Dramatiker um Rheinisches Landestheater Neuss. Mir hu mam Lëtzebuerger Dramaturg geschwat. Hie mécht sech Suergen ëm déi eegen Existenz an déi vum Theater.

Programm

Net verpassen

  • Nei Museksemissiounen

    Bigstock / real_content

    Al Schanken: Freides, 21:00

    Mat Groove a Séil: Samschdes, 19:00

    Palatino FM: Samschdes, 21:00

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen