Mat "Attention médias!" hat hien d'Berichterstattung iwwer de Golfkrich Uganks den 1990er Joren ënnert d'Lupp geholl. "Poker menteur" war d'Analys vun der westlecher Mediecouverture iwwer de Krich a Jugoslawien. Dobäi huet de Michel Collon ëmmer och déi geopolitesch Interessie vun de Krichsparteien am A behalen.
Um selwechte Modell soll dem belsche Journalist säin neit Buch op de russesche Krich an der Ukrain agoen: "Ukraine. La Guerre des images". Viraussiichtlech den 9. Mee soll et beim Verlag "Investig'Action" erauskommen.
Alternativ Informatioun
"Investig'Action" ass och den Numm vun enger Onlinepublikatioun, déi de bekennende Marxist Michel Collon zënter enger Rei Jore mat enger klenger Equipe bedreift. An déi den Usproch huet, dem Publikum eng alternativ Informatiounsquell ze bidden - a Krichszäiten an doriwwer eraus.
Op der Foire du livre zu Bréissel hate mer viru Kuerzem d'Geleegenheet, mam Michel Collon ze schwätzen. Iwwer ëmmer selwecht Mustere vun der Desinformatioun, iwwer d'Mediecouverture am Ukrainkrich, iwwer de Kampf fir eng alternativ Informatioun an iwwer d'Interesselag virun engem méigleche Krich mat China.
