Chamberwahlen 2018 "Wëssen, datt vill Leit dem Aarmutsrisiko ausgesat sinn"
D'LSAP hat d'lescht Woch hire Walprogramm ugeholl. "Solidaritéit liewen, fir Fortschrëtt a Gerechtegkeet", ass d'Dokument iwwerschriwwen. D'LSAP envisagéiert eng nei Steierreform. "Déi mat de breede Schëllere musse stäipen", seet den LSAP-Generalsekretär Yves Cruchten. D'Sozialiste wéilten de System vun de verschiddene Steierklasse progressiv ofschafen an eng individualiséiert Besteierung aféieren. Esou eng Reform bräicht Zäit, dofir kéint déi eréischt um Enn vun der nächster Legislaturperiod fäerdeg sinn.
Fir d'Finanzéierung vu där Steierreform huet den LSAP-Generalsekretär och op den aktuelle gudde Wirtschaftswuesstem verwisen, dofir wier et Zäit fir ëmzeverdeelen. Déi negativ Konsequenze vum Wuesstem missten ausbalancéiert ginn.
Am LSAP-Wahlprogramm geet rieds vum Opstelle vun enger "Matrix", vun alle Sozialleeschtungen, "fir den Afloss vun Akommessituatiounen op déi verschidden Transfertleeschtungen a Bäihëllefen ze berechnen a wann noutwenneg unzepassen".
Fir d'Sozialleeschtunge misst een eng Oplëschtung iwwer bestoend Leeschtunge maachen, se op hir Effikassitéit préiwen an analyséieren, op déi gewënschten Ziler erreecht ginn, seet den Yves Cruchten.
Upassunge vum Kannergeld
D'Indexéierung vum Kannergeld wier esou eng Méiglechkeet, déi och am LSAP-Wahlprogramm géif stoen. "Mir wëllen d'Kannergeld och strukturell upassen. Mir wëssen, datt ganz vill Leit, besonnesch Monoparentauxen dem Risiko vun der Aarmut ausgesat sinn. Mir wëssen, datt mir zu Lëtzebuerg e Problem hunn och mat Kanneraarmut."
Elo misst un deene Schrauwe gedréint ginn, fir déi Problemer ze léisen. Dat géif awer net bedeiten, datt Leit mat méi héijem Akommes manner Kannergeld géife kréien, wéi Leit mat engem méi niddregen Akommes.
"Mir sinn nach ëmmer der Meenung gewiescht hei zu Lëtzebuerg, datt mir d'Kanner solle behandelen, dat eent wéi dat anert. An dorunner huet sech och bei der LSAP an der Meenung näischt geännert."
An der Mediathéik:
LauschterenMéi zum Thema
Alex Bodry: blo-rout-gréng an Zukunft net auszeschléissen
Hie kéint sech no de Wahlen erëm eng blo-rout-gréng Regierung virstellen, seet den Alex Bodry. Laangfristeg wier fir hien eng méi enk Kooperatioun mat de Grénge sënnvoll, sou den LSAP-Fraktiounschef.
"Net intern zerrass"
Trotz interner Kritik wär d'LSAP keng zerrasse Partei, et misst awer méi matdiskutéiert ginn. Dat géing elo och geschéien, seet de Roger Negri. Kritesch LSAP-Deputéiert misste sech méi an der Fraktioun abréngen.
"Esou Saache muss ee kënnen erdroen"
Et wier positiv, "wa jonk Leit, och ouni e fäerdege Programm virzeleeën, de Wonsch äusseren, fir méi ze diskutéieren", seet de Ben Fayot. Partei-intern hätt déi Reflexioun scho laang misse geféiert ginn.
"Et feelt eng éierlech Diskussiounskultur"
Zéng LSAP-Memberen hunn en Appell lancéiert, fir d'Partei z'erneieren. Schonn 2014 ass e Pabeier mat Recommandatiounen entworf ginn. Dësem wär allerdéngs net Rechnung gedroe ginn, seet de Franz Fayot.
Widderspréch an de Sondagë vum Politmonitor
Pensiounen, Kafkraaft, Mindestloun, Steiergerechtegkeet a Sondagen. Doriwwer diskutéieren d'Fraktiounspresidente Claude Wiseler (CSV) an Alex Bodry (LSAP).
Kommentar
Geféierlech Vermëschungen
D'Zukunft vum (ekonomesche) Wuesstem ass ee vun deene Sujeten, iwwert deen dëst Joer vill diskutéiert gouf. Leider net an den néidegen Nuancen. Lëtzebuerg brauch eng kohärent Zukunftsplanung.
Corinne Cahen: Deirecht-Zoulag soll reforméiert ginn
Duerch d'Reform kéinten zéng Prozent méi Stéit mat Kanner d'Deirecht-Zoulag kréie wéi d'lescht Joer, seet d'Familljeministesch. Och op Gemengenniveau kéinten d'Beneficiairen zousätzlech Bäihëllefe kréien.
"Mir hu ganz aner Problemer vu sozialer Kohäsioun hei am Land"
Den Aarmutsrisiko zu Lëtzebuerg ass tëschent 2015 an d'lescht Joer geklommen, vun 18,5 Prozent op 19,7 Prozent. Dat hält de STATEC a sengem leschte Rapport iwwert déi sozial Kohäsioun fest.
"Opdriff vu konservative Parteien"
Mat den Themen Asyl a Migratioun hunn d'ÖVP an d'FPÖ an Éisträich vill Stëmmen dobäi gewonnen. Vill Wieler si vun der SPÖ bei d'Rietsdemokrate gewiesselt, seet d'Politologin Katrin Praprotnik.
Kommentar
"Kee Pilot méi am Fliger"
D'LSAP huet bei de Gemengewahle bal fënnef Prozentpunkten u Stëmme verluer. Donieft bréngt si et a wichtege Gemengen net fäerdeg, an eng Koalitioun ze kommen. Mä kee wëllt Responsabilitéit iwwerhuelen.
Negativtrend vun LSAP: "Kloen op héchstem Niveau"
Et wier en "nationalen Trend", datt d'CSV vill Lëschtestëmme géif kréien, seet den LSAP-Parteipresident Claude Haagen. D'LSAP huet just nach an dräi Gemengen eng absolut Majoritéit.
Riicht Eraus
"Ech trieden un, fir Premier ze ginn"
2018 wëll den Etienne Schneider nees LSAP-Spëtzekandidat sinn an déi blo-rout-gréng Koalitioun weider féieren. Den Echec vum Sozialist Benoît Hamon bei de franséische Presidentiellë bedauert hien net.
"Net esou historesch wéi 1974-1979"
Des zweet Legislaturperiod ouni Regierungsbedeelegung vun der CSV zënter dem zweete Weltkrich kritt net de selwechten historesche Stellewäert wéi déi éischt, esou de Konsens ënner Journalisten.
"LSAP muss sech Gedanke maachen"
Den OGBL-President, André Roeltgen, ass net iwwerrascht iwwer d'Resultater vun de rezente Sondagen. D'LSAP misst iwwer hir sozialpolitesch Ausriichtung nodenken.
