Zeenewiessel

100komma7.lu / Zeenewiessel

/ S01E01: D'Schwësteren

Am 100,7-Doku-Podcast gi journalistesch Recherchë seriell verzielt. Maacht Iech e Bild vun deem, wat zu Lëtzebuerg leeft an eis all eppes ugeet.

"Iwwerfloss" heescht déi neiste Serie am Zeenewiessel, an där mir der Fro noginn, ob d'Uelzecht nach ze retten ass. Dee klenge Floss war laang ee Wuesstemsmotor, weist awer och, wou d'Grenze vum Wuesstem zu Lëtzebuerg leien.

An der Serie "Ausgeliwwert" begleede mir Leit, déi fir Wolt, WeDely a Co Iesse liwweren. Dës Recherche hannerfreet, wéi d'Plattformekonomie d'Aarbechtswelt verännert.

D'Serie "Carambolage" beliicht d'Hannergrënn vun der Caritas-Affär: Wéi konnt dee risege Bedruch geléngen? A firwat ass et net gelongen déi kathoulesch Organisatioun ze retten? Dës Serie ass beim Mediepräis “Prix Europa” als zweetbescht europäesch Audio-Investigatioun vum Joer 2025 ausgezeechent ginn.

An der Serie "Kollateralschued" geet et ëm d'Konsequenze vun enger mësslongener Terrorenquête op d'Liewe vun zwou jonke Fraen, déi zu Lëtzebuerg gebuer sinn.

Dir fannt hei am Zeenewiessel och d'100,7-Doku-Serie "Schlechte Schüler" aus dem Joer 2022. Eng Recherche zur Fro, firwat et net geléngt eise Schoulsystem méi gerecht ze maachen.

Fir Froen a Feedback: doku@100komma7.lu

Fir keng Episod ze verpassen, erstellt Iech op eiser Websäit oder an eiser App e gratis Account fir weider Episode vum Zeenewiessel an och aner Emissioune vum Radio 100,7 net ze verpassen: Account maachen.

S01E01: D'Schwësteren

Lauschteren

13.01.2025 - 06h00

20 min

Am November 2023 kommen d'Khadija an d'Imen Salmi zeréck op Lëtzebuerg. Firwat goufe si 20 Joer virdrun als kleng Kanner an Tunesien expulséiert?

"Kollateralschued" heescht déi éischt Serie am “Zeenewiessel”. Dës Geschicht iwwer déi Lëtzebuerger Participatioun um sougenannte Krich géint den Terror verziele mir a véier Episoden.

Recherche: Pia Oppel

Host: Jean-Claude Franck

Froen a Feedback: doku@100komma7.lu