Speziell fir d’Kannerradionuecht huet d’Anja Di Bartolomeo iech eng nei Geschicht vun eisem Liblings-Lausbouf Jos mat senger Famill a senge Frënn geschriwwen. De Jos, de Bop an de Loulou hate sech jo e Roboter gebaut, de Roby Robocat, an deen ass bal zu engem Deel vun der Famill ginn. Mee elo, et ass schrecklech, de Roby Robocat ass verschwonnen. Gouf e gekidnappt? Et gouf Léisegeld gefrot.
Déi nei Geschicht vun der Anja Di Bartolomeo “Léisegeld fir de Roby Robocat” proposéiere mir iech elo als Lauschterstéck.
Dir héiert d’Clara Hertz als Jos, d’Katharina Bintz als Nora, de Max Thommes als Roby Robocat, d’Fabienne Elaine Hollwege als Nona Rosa, de Steve Karier als Bopa Mario, de Jean Claude Majerus als Loulou, d’Kimberly Darcy Mae als Timea an de Philippe Thelen als Erzieler.
D’Tountechnik koum vum Paulo Salgado, d’Musek vum Max Thommes, Opnam, Schnëtt a Regie si vum Martin Engler.
Dat Ganzt ass eng Produktioun vum radio 100,7.
An domat vill Freed beim Nolauschteren!
