Op enger sonneger Terrass, mat Vue op d’Mier a viru sech ass den Dësch gedeckt mat engem frëschen Plateau mat Mieresfriichten - dat ass de Vakanzendram vun Amateure vun dësen Delikatessen aus dem Mier.
Wéi ee Wäert hunn d‘Mieresfriichten an der gesonder Ernärung? Dat gesi mir hei an eisem Bäitrag mat der Ernärungsberoderin Lis Muller.
"Mulle sinn en héichwäertegen energieaarme Plat, virausgesat et si keng Fritten derbäi, soss klëmmt den Energiecompteur op 770 Kalorien.
Mulle ginn och Mieresfiltere genannt, dofir ass et wichteg opzepassen, datt se net aus kontaminéiertem Mierwaasser kommen. Wielt am léifste geziichte Mullen, déi en Zertifikat ASC hunn, dee fir nohalteg Aquakultur steet a garantéiert, datt se no bestëmmten Ëmweltstandarde geziicht goufen.
Et ass ëmmer gesot gi Mulle just an de Méint vu September bis Dezember ze iessen, dat ass mat de Killméiglechkeete vun haut net méi gülteg.
Mulle kënnen op vill Fassonge preparéiert ginn, vu Moules marinière iwwer Moules à la crème bis Mulle mat Roquefort.
Reschter vu Mulle loossen sech ideal den Dach drop verschaffen, an enger Zalot, an enger Kürbiszopp, zesummen mat Tagliatelle a Champignonen an enger Safranzooss."
Referenzen:
Ducasse, A., & Neyrot, P. (2011). Nature simple, sain et bon / Mers et océans pêche responsable. Alain Ducasse
https://ciqual.anses.fr/#/aliments/10014/moule-commune-crue
Orieux, G. (2025). Cuisiner la mer / Editions de la Martinière
Santé, C. S. (2025, juin 17) https://www.hgr-css.be/fr/avis/9805-9807/recommandations-alimentaires-pour-la-population-belge-2025
