Beim Sport am Summer verléiert de Kierper vill Waasser a Mineralstoffer. Fir d’Leeschtung ze erhalen a Kappwéi oder Muskelkrämp ze vermeiden, si reegelméissegt Drénken, virzäitegt Opfëllen a Rehydratatioun nom Training wichteg. Isotonescht Gedrénks oder verdënnte Jus mat Salz sinn dofir ideal. Uebst a Geméis ënnerstëtzen d’Hydratatioun zousätzlech.
Nom Sport brauch ee fir all verluerene Liter Schweess ongeféier 1,5 Liter Waasser.
Mee net nëmme Waasser zielt! Beim Schweesse verléiert een och Elektrolytten - virun allem Natrium, Kalium a Magnesium. Wann déi feelen, kënne Muskelkrämp, Kappwéi oder séier Ermiddung optrieden.
Dann hëlleft sougenanntent isotonescht Gedrénks.
Mee och Ernärung hëlleft mat fir Waasser ze liwweren: frëscht Uebst, Zaloten, Tomaten, Kornischongen, Gromperen oder Waassermeloun liwwere vill Flëssegkeet a gläichzäiteg Vitaminnen - en duebele Plus am Summer.
Reegelméisseg genuch a gutt hydratéiert ze bleiwen ass eng Grondviraussetzung fir gutt Leeschtung, Gesondheet a Regeneratioun.
Explikatioune vun der Ernärungsberoderin Stéphanie Rosquin
Quellen
• Sawka, M.N. et al. (2007). American College of Sports Medicine position stand: Exercise and fluid replacement
• Shirreffs, S.M. (2005). Hydration in sport and exercise: water, sports drinks and other drinks
• Maughan, R.J. et al. (2018). IOC consensus statement on hydration in sport
