Haut den Owend (11.2.) stinn zwee grouss Nimm op der Affiche fir de Concert am grousse Sall. Zesumme mat de Lëtzebuerger Philharmoniker spillen nämlech déi franséisch Pianistin Hélène Grimaud an Dirigentin ass d’Elim Chan. Si ass zu Hongkong gebuer an huet 39 Joer. 2025 war si d’Dirigentin vun der Last Night (dem leschten Owend) vun de Proms an der Royal Albert Hall zu London.
Um Programm vum Concert stinn och dräi grouss Nimm aus der Museksgeschicht: Aaron Copland, George Gershwin a Sergei Prokofjew. Et gëtt e Concert, deen Jazz a Klassik vermëscht, a wéi d'Elim Chan verréit, einfach nëmmen d'Freed un der Musek verbreet.