Klassik Album vun der Woch
Eklektesch, an awer vereent
9 min
HD Duo
Den HD Duo setzt sech aus dem Pianist David Howie an dem Saxofonist Michael Duke zesummen. Fir den Disk Bird Spirit Dreaming huet den Duo zwee Stécker an Optrag ginn. Aner Wierker goufe vun de Komponiste fir Saxofon a Piano ëmgeschriwwen, oder vum HD Duo selwer adaptéiert.
Doriwwer eraus …
De Michael Duke an den David Howie spillen awer net nëmmen zu zwee. Bei verschiddene Wierker kréie si Ënnerstëtzung vum Geiist Evgeny Sorkin, vum Cellist Julian Smiles a vum Perkussionist Kevin Man.
Mat den zwee Sträichinstrumenter harmonéiert den HD Duo a sengem eegenen Arrangement vu Rockpool Dreaming wonnerbar. An déi bësse Perkussioun am Titelstéck vum Album erweidert de klangleche Spektrum mat e puer taktesch gutt exponéierten Awërf.
De roude Fuedem vum Album
All Komponist huet seng eege kompositoresch Handschrëft, an awer loosse sech hir Wierker wonnerbar op engem Album kombinéieren.
Esou schaffen zum Beispill de Peter Sculthorpe an de Ross Edwards mat imitéierten Naturgeräischer (Vugelgesang) an de Matthew Hindson mat Véierelstéin an arabesche Kläng. De Matthew Orlovich baut jazzeg, bal Bebop-aarteg Elementer a seng Kompositioun an. Et sinn och süd-ost-asiatesch Harmonien op dësem Disk erauszehéieren.
Wat d’Stécker all verbënnt, ass eendeiteg d’Besetzung an d’Thematik: An alle Wierker ass Saxofon zesumme mat Piano ze héieren. An jazzeg ugehaucht sinn déi meescht Kompositiounen och.
Doriwwer eraus schéngen déi sechs Komponisten eng staark Verbonnenheet zur Natur an zu de Kulture vun dëser Welt ze spieren. Dat léisst sech net nëmme klanglech op dësem Disk novollzéien, mee och an de Biographië vun de jeeweilege Komponisten. Domat weist dësen Album och, wat d’Komponisten op där anerer Säit vun der Welt beschäftegt, begeeschtert an inspiréiert.
Zäitgenëssesch, an awer …
… liicht verdaulech. Et muss ee sech fir dës Musek beim Nolauschteren net ustrengen. D’Kläng erkläre sech vum selwen. Dat läit warscheinlech dorun, datt vill konkret, eendeiteg Harmonien, Imitatiounen a verschidde Stiler eklektesch matenee verbonne ginn.
Presentéiert vum
- Christophe Mirkes
Episoden
Wann d'Feier brennt
Deen alleréischten Album vum spueneschen Ensemble Bayona mam Titel “Cuando el Fuego Abrasa”
Jonken Duo voller Feier a Flam
De ganz neien Album “Sparks of Spirit” vum jonke Geschwësterduo “Klavierduo Neeb”
Folias Americanas
Zwee Kontinenter, zwou Epochen, zwou Kulturen: Deen neien Album vum Ensemble Vedado mat Kammermusek vum Marais an Àlvarez
Entdeckerfreed
De Pablo Heras-Casado an de Mahler Chamber Orchestra presentéieren ënner anerem zwee méi onbekannte Wierker vum Manuel de Falla.
The Guitar Player
De Gittarist Mattias Schulstad spillt schweedesch Vollekslidder a beléifte Wierker aus dem Gittarerepertoire.
