Den John "Bassic" Goldsby huet 1994 d'Fundament am déiwe Frequenzberäich fir d'WDR Big Band geluecht. No 30 Joer war et awer fir hien Zäit déi Plaz fir neit jonkt Talent ze raumen an huet am Januar d'Pensioun geholl. Hie wäert natierlech eegenen Aussoen no nach weider Musek maachen, huet hien dach och virun dësem Job schonn zu New York zu engem vun de meeschtgefrotste Bassiste gehéiert a mat alle groussen Nimm gespillt.
D'WDR Big Band huet him zu Éieren den 21.12.2024 e Concert fir 50 Joer op der Bün am Klaus-von-Bismarck-Sall vum WDR gespillt, bei deem haaptsächlech Kompositioune vum Goldsby selwer ënner der Leedung vum Bob Mintzer gespillt goufen.
Playlist:
1. WDR Big Band - John Goldsby - Blue Balloon
2. WDR Big Band - John Goldsby - Cleopatra's Secret
3. WDR Big Band - John Goldsby - Dahlia Garden
4. WDR Big Band - John Goldsby - The Baron's Dilemma
5. WDR Big Band - Vince Mendoza – Sonatina
6. WDR Big Band - John Goldsby - In the Hills
7. WDR Big Band - Ned Washington - The Nearness of You
8. WDR Big Band - John Goldsby - Forgotten But Not
9. WDR Big Band - Morty Nevins - Twilight Time