Aus dem Liewen

D’Mënsch-Déier-Bezéiung ass an engem héije Mooss ambivalent. Déieren erfëlle fir eis Mënschen déi ënnerschiddlechst Funktiounen, an hire gesellschaftleche Status geet vum beschte Frënd bis zur Narungsquell, vun der veruechter Kreatur bis zum veréierte Wiesen. Fir ëmmer méi Leit ass et e Problem, datt mir Déieren op där enger Säit als leidensfäeg, eenzegaarteg Subjekter mat moralescher Relevanz ugesinn, se awer op där anerer Säit ausgibeg notzen an dout maachen, se also als Saachen, Wueren, Produktiounsmëttel oder soss Objete behandelen. An der neier Ausstellung animalECH am Naturmusée kann elo jiddweree seng eege Bezéiung mat den net-mënschlechen Déieren ënner d’Lupp huelen.