Deen neie Projet "Deemools" sicht motivéiert Leit aus dem Benevolat als History Keeper, fir d'Geschichte vun eelere Leit zu Lëtzebuerg festzehalen, mat geschriwwenen Texter a Video-Interviewen. An deem Kontext mécht de GERO - Kompetenzzenter fir den Alter, eng Organisatioun mat iwwer 20 Joer Erfarung an der Biografieaarbecht, en Appell un all Interesséierter, déi Loscht hu matzemaachen, fir Interviewen ze maachen an d'Geschichten ze transkribéieren.
De Projet gouf vum Naturpark Uewersauer als “Zäitzeieportal" gestart an elo mat Hëllef vun der Oeuvre Grande-Duchesse Charlotte erweidert. Déi sougenannt History Keeper, kréien eng extra Formatioun proposéiert am Virfeld. D’Zil ass et, déi perséinlech Memoirë vun de Leit ze konservéieren an an de Wunnstrukture fir eeler Leit ze benotzen. Explikatioune mam Alain Brever, Direkter vum Gero Kompetenzzenter fir den Alter (www.gero.lu)
